مش مصدقة حالي

موضوع: مش مصدقة حالي الأحد أغسطس 10, 2008 8:01 am

اليوم ضليت سهرانة للصبح و احضرت مقابلة شادي على انفنيتي ببرنامج كريستال و ما بتتخيلو فرحتي لأني حضرتا
والله مش مصدقة حالي اني حضرتا
يؤبرني كان طالع قمر بالمقابلة و حكياتو بسطلووووووووووو

وانا ضليت سهرانة مع اني كنت فرطانة من النعس

بس شفتووووو يؤبشني ما احلى طالع بياخد العقل

هو وحكايتوووو كتير خجوووول

سلام

و انا كمان ضليت سهرانة مع اني مجنونة نوم وضليت مفتحة عيوني بالزور بس ما بعرف فجاة لقيت الشمس طلعت والماما فوق راسي تقول..قومي يا كسلانة كل هاد نوم الساعة صارت 10.......يا اللللللللله راحت علي ضليت زعلانة و صرت مسخرة بالبيت بس الله نصفني وبالصدفة كنت قلب عالتيفي و مقهورة شفت القمر ....كانت الحصة باولها و شفتها كلا وبعد ما خلصت انتبهن اني ما سجلتا و صرت مسخرة من جديد

وأنا كمان شفتها باليل والظهر كمان عالساعة 4 ومن أولها يؤبرني شو كان حلو وأنيق وتيابو بيعقدو

فعلا كان كتير ستايل و حكياتو مرتبين بس انا ما قتلني غير عيونو ياللي بيلمعو لمع اول ما يبلش يغني ..يقبرني لا يكون عشقان الرجال و نحنا قاتلين حالنا عليه....لوووووول

طيب الحمد الله انكن شفتوها والله فرحتلكن كتير لأنكن شفتوها لأنو شوفت أبو الشود ما بتتعوض
و على فكرة أنا حضرتها كمان مرة اليوم العصر الساعة 4 يعني أنا حضرتها مرتين عشان هيك أنا مبسوطة كتير

أن شاء الله على طول بتكوني مبسوطة يا كاثرن وفعلا شوفة أبو الشود ما بتتعوض وبعدين شبك حبيبة فلب شادي بعيد الشر لا عشقان ولا شي يؤبرني ما في غيرنا بحياتو
أو (غيري أنا) هههههههههه
لا تزعلوا عم أمزح
بس فعلا عيونو بجننو لك بيغزلوا غزل يؤبر قلبي خاصة لما يكون ساكت بتلاقي عيونو لحالا عم تحكي وتضحك هاد هو أبو الشو يا صبايا بريئ وعفوي وقلبو حنون يسلملي

معكن حق يؤبشني شو حنون وخجول وعيونووو بتفلج

وانا كمان حضرتا العصر

والله لو بشوفها كل يوم ما بديق خلقي

هو شكلووو لساتو بحب البنت الي تركها هي جدبة ليش تركتوو

حدىبصحلوو القمر وبقول لأ

لاء شو بعدو بيحبها؟ اكيد لاء ...اصلا هو قايل انو تركو بعض متفقين مو متخانقين و السبب بالانفصال كان هو لانو مقصر معها....قولكن لو كان بيحبها عن جد الجد كان عمل معها هيك؟ بصراحة انا مبسوطة لانن انفصلو مع اني بعرف انو هالشي انانية ...... و الغنية ياللي غناهالها دليل على اللي كنت بقولو والله اعلم

حبيبتي زهرة شادي أسود تؤبريني شو مهضومة
و معك حق يخصوص عيونو أنا شفت عيونو عم تحكي حتى و هو ساكت
ما شاء الله على عينيه

حبيبتي شامية عسل معك حق
البنت الي تركها أكبر جدبة كيف بتتركو
حدا بصحلو أبو الشود و بتركو
بس الحمد الله انها جدبة عشان تتركو
و أنا كمان متلك لو بشوف المقابلة كل يوم ما بضيق خلقي يا ريت لو في حدا سجلها عشان انضل نحضرا

حبيبة قلب شادي و أنا كمان متلك انبسطت كتير لأنهن انفصلو و كل ما بسمع انو شادي على علاقة مع صبية بدعي انهم ينفصلو شو أعمل ما بقدر الا ما غار
بغار على شباب عيلة أسود كتيييييييييييييييييييييير مش بايدي الشغلة
الشغلة بقلبي الي متعلق فيهم و بيحبهم حب جنون

و الله وانا كمان بغار عليهن كلن ...احيانا باتخيل حالي مرت شادي بس لمين اترك هادي والله بموت لو شوفو مع وحدة ثانية وزات الشي لو كنت مرت هادي و شوف شادي مع وحدة ثانية
مشان هيك قررت انو ما اتزوج ولا واحد فيهن
(قال شو شادي و هادي قاتلين بعضن مشان اتزوج واحد منن وانا شايفة حالي والله لو فيني كون مرت بواب بيتهم رح وافق مشان شوفن وبس لووووووول)
_________________

ابتسم....اضحك...العب...اركض...عش حياتك....من يدري ربما لن يكون هناك غد!

والله و أنا كمان هيك مرات بتخيل حالي مرت هادي بس بعدين بصير أفكر طيب و شادي لمين أتركو و لما بصير أتخليو متجوز وحدة تانية بجن و بموت من الغيرة و كمان نفس الشي لما بتخيل حالي مرت شادي بصير أفكر طيب و هادي لمين أتركو و لما بصير أتخيلو مع وحدة تانية بطق و بحس روحي راح تطلع و بموت من الغيرة
و كمان لما صرت أعرف مازن و باسل صرت بدي اتجوزن هن كمان و لما اتخيلن مع بنات غيري بجن و بموت من الغيرة
بس أنا ضد حل انو ما نتزوج و لا واحد فيهن يا ميسم
أنا برأيي الحل انو اتجوز الأربعة هادي و شادي و مازن و باسل
خلص يا صبايا أنا صرت حاجزة
هادي و شادي و مازن و باسل
انتو دبرو حالكن بجهاد و وسام قسموهن عليكن
بس هادي و شادي و مازن و باسل ما حدا يقرب عليهم لأنهم الي أنا و بس و ما بسمح لحدا انو يشاركني فيهم

لا يا كاثرن انا حاجزة شادي من زمان كتير
يعني انت الك هادي وياسل و مازن
اصلا الشرع محلل ثلاثة بس
اتفقنا؟
لوووووول
_________________

ابتسم....اضحك...العب...اركض...عش حياتك....من يدري ربما لن يكون هناك غد!