حوار مقابلة شادي ببرنامج هاد جيلنا

امرحبا
آسفة علتاخير بس والله هلكت بكتابتو
هي الحوار يلي حضرتو حرفيا
وياريت ام هادي تصححيلي كونك الوحيدة يلي حضرت
وانشالله يعجبكم

ملاحظة : شادي كان مستلم كل الحديث وليليا بس قاعدة جنبو بظن بكفيها خخخخخخ

وقت قلبت كانو عميحكو على الفرق بين كلمات اغاني هلايام وكلمات الاغاني يلي تغنت بلمسرحية وقال شادي انو هوم بهتم كتير بلكلمات ويلي عميغنو بلنسبة الو يعملو شو ما بدن بس يختاروا كلام نظيف
امجد : شادي الاغاني الرائعة يلي تغنت بلمسرحية كيف بدنا نعملها مشهورة؟
شادي : أكيد ما رح نقول للعالم اسمعوا اوبريت اوغيره على طول كل مين وقتو الو وكل مين عدينو الله يعينو

امجد : بس هدول الاغاني صارواالك وباسمك
شادي : مظبوط
أمجد : طيب ليش ما بنشروا متل بعدك زعلانة
شادي : لانن بس للمسرحية لو انن الي بعملن بطريقة كويليتي اكتر يعني بروح بسجلن بمصر تسجيل سليم مية بلمية غير هيك
أمجد : بس في كتير اغاني ضربت عنا مع انها مسجلة بستديوهات بسيطة هون
شادي بظن هاد للشخص شو بحب
متل يلي بجيب لبيتو غرض صيني او شي تاني حسب
امجد : لا بس بظن اغاني المسرحية فيهن شي كتير حلو رغم انن مسجلين ببساطة
شو رايك ليليا؟
ليليا : انا بس بدي قول شي بهلخصوص بدي اشكر الاساتزة معن خليفة ورضوان نصري يلي لحنو اغاني المسرحية
قاطعها شادي : الله يعطين العافية شتغلوهن بسرعة كبيرة
ليليا : وعنجد بدي قدم شكر لشادي وهالة علغناءلاني حقيقتا هلا كلما بدي امشي بسيارتي ما عدت حطيت فيها سيدي او ازاعة دايما حاطة سيدي المسرحية وعاسمع الاغاني يلي غنيناها
امجد : بتعرفو واغلبية شباب جيلنا بوافئوني الراي انو اشهر الاغاني يلي وصلتنا من فيروز والرحابنة هي من المسرح الغنائي
شادي انت قلت جملة كتير مهمة اثناء التحضيرات قلت انو في عنا رحابنة كتير بسورية
شادي بلظبط عنا كتير شباب مبدعين بس بدن منفذ ليباينو قدراتن يعني انا هلا عندي شخص عميسجلي اغاني تسجيل يضاهي التسجيل بفرانسا عمره 18 سنة اسمو انس الشيخ شاغلي غنية
(بتسطل )
بدي نزلها بعد السنغل يلي نزلتو جديد
امجد : ياشباب بس بحب قول لجيلنا لاتستخدموا الفاظ شادي ابدا 0000000000ويضحكوا
بعدين حطوا لقاءات مع ممثلين المسرحية
امجد : شادي بتظن من الافضل انو يكون كل الممثلين بلمسرح الغنائي بغنوا ؟
شادي : ما بعرف بظن صعب هلأ عنا كتيرممثلين شباب وصبايا بغنوا بس تعى اجمعن بعمل متل هاد كتير صعب يتفضولوا
بعدين امجد قرا نتائج التصويت على سؤال البرنامج : شو يلي بدفعك لتحضر مسرح غنائي ؟ النتائج 46% لجمال الاصوات و33% لشهرة نجوم العمل والباقي للمؤلف والمخرج
ليليا: الصراحة انا بعو انو مجموعة هلضروف يلي زكرتن هنن يلي بدفعوني لاحضر المسرحية
شادي : بلظبط وبلتالي هو مو نجاح شخصي
امجد : شو بتقول شادي للي صوتو لجمال الاصوات
شادي : يكتر خيرن بتشكرت لانن معتبريني من الاصوات الجميلة شكرا
امجد : هي مشان ما تقول ظالمينك بلتلفزيون
نحنا عطول منركد ليكونوا النجوم السوريين معنا ومنتمنى دايما يلبونا مو يرد حدا تاني علينا لما نتصلن 00ويضحكوا
شادي : لا هلا لما بتكون البرامج موازية لشهرة ونجومية الفنان ليش لما يجي
امجد : قصدك انو برنامجنا بوازي شهرتك ونجوميتك
شادي : بس انا عنجد بحب جيلنا وبحب الشباب بشكل عام وخصوصي معجبيني الشباب
وبتعرف كنت بتمنى اطلع بكل حلقة من البرنامج لانها بتتوجه للجيل الجايي وخصوصي حلقة الميتورات لاني انا من ضمن هلفريق بس كنت مشغول بلبروفات
وبعدين غنا انا بدفع عمري
وقال شادي : هي الغنية متل الكزبة ما بعرف كيف عملتا
كنا قاعدين انا ورفقاتي بلبيت وعجبني اللحن فقلت بحط كلمات عليها وطلعت معي
امجد : انا بدي اشكرك لانو باين عمتختار كلماتك بعناية مو متل يلي عمبغنو طرق طرق طرق
شادي: الصراحة انا بغني طرق طرق بلعراس والحفلات الخاصة
امجد : بس مو الك بطلبوها منك بس
شادي : ايه اكيد مو الي
امجد : شادي وعدني تكون معي بشي حلقة هيك حوار خاص بيني وبينك
شادي لا هيك كتير 000000000ويضحكوا
امجد : بس ما يكون بدك مصاري علحوار كمان
شادي : صرلنا 4سنين عمنشتغل ببلاش مو مستاهلة ناخد منك هلأ
امجد : لانك بتحب الغنى مو
شادي :ايه بحب الغنى
بعدين امجد سال سؤال لليليا بس كان شادي عميلعب ببطاقات الاسئلة تبع المزيع
فقلو شادي حاج تلعب هدول الي بس 00000ويضحكوا
وطلب من شادي يعمل بصوتو شارة البرنامج طلعت بتجنن
امجد: شادي انا بعرف عندك كتيرشغلات بحياتك غير انك بتغني اشياء انسانية بتعملها وانا بفتخر اني قولها انو في شب من جيلنا بعمرك حسن يوصل للنجومية وستفاد من شهرتو ليعمل اشياء خاصة بمرض السرطان
شادي :أنا ما بدي اقلب الجو كئابة بس بهلخصوص لازم قدم تعازيي الحارة لرفيقي مروان بركات بوفاة بنتوالصغيرة بمرض السرطان ب6الشهر بعد سنة ونص مرض
انا عرفت من سنة وتاثرت فيها كتير ونويت اعمل مشروع حملة لمرض السرطان وعملتلها دراسة على اساس انو تكون السيدة الاولى بسورية اسماء الاسد هي الراعية الاساسية للحملة بس الصراحة بعدين فقدت الامل لاني ما لقيت اي مساعدات من سوريا ولما وصلت وراق المشروع لطاولة شخص مهم برات سوريا توفت البنت بنفس اليوم
ليليا وامجد الله يرحمها
شادي : بس انا هلأ بدي اتوجه برسالة وتحية للسيدة اسماء الاسد لتكون راعية لهلمشروع وانا عنحالي شخص كتير مستعد لفوت بهلمجال
امجد : بتمنى تكون وصلت رسالتك وانا عنجد بشكرك على هلاهتمام
وبعدين تباوسو وقام شادي وليليا ليوقعوا بروشورات المسرحية على غنية لما لا

بتمنى كون عملت يلي عليي لحتى ما تضلو زعلانين
وصدقوني انا كمان محروق البي لاني ما شفتا كاملة
انشالله بكرة بصورلكم صور حلوة وبحطة
بس ازا ما لقيت ردود ترضيني ما رح حطها

لالا عمبمزح ما بطاوعني البي
_________________

اللهم قد خلقت الجمال وقلت اتقوفكيف نرى الجمال ولا نعشقو

شو بدي اقولك الف شكر الك والله حسيت حالي عم بحضرها

تنفعي لتكوني مرسالة للمنتدى
و انا كتير زعلت على بنتو لمروان بركات حرام والله بموت زعل كل ما سمعت عن
طفل مات من سرطان الله يبعدو عن كل سكان العالم و يا رب يالقو علاج الو
و ان شاء الله مشروع شادي ينجح ويزبط
اما المزيع امجد ازا في اتقل من دمو ما عرفت البشرية
_________________

بلاول اسفة علتخبيص رح عدلو

وتانيا حلوان اول رد منك ياقمر رايحة صور صورة وحطها بعد شوي
_________________

اللهم قد خلقت الجمال وقلت اتقوفكيف نرى الجمال ولا نعشقو

الله يعطيك العافية على هالمجهود انا شفت الاعادة كان شادي بيجنن
بس المذيع ثقيل دم

شكرا حياتي

وهي هدية لتنتينكن صورتين مبدئيا
وفرحتلك شادن انك شفتيها بس بدي منك تقوليلنا شو راح علبنا
وايمت انعادت الحلقة

_________________

اللهم قد خلقت الجمال وقلت اتقوفكيف نرى الجمال ولا نعشقو

شكرا حياتي

وهي هدية لتنتينكن صورتين مبدئيا
وفرحتلك شادن انك شفتيها بس بدي منك تقوليلنا شو راح علبنا
وايمت انعادت الحلقة

كبسو عليهم ليكبروا
بوعدكم بكرة بصور اوضح
_________________

اللهم قد خلقت الجمال وقلت اتقوفكيف نرى الجمال ولا نعشقو

تسلمي عالصور كثير حلوة

انعادت الحلقة السبت الساعة 2 ونص
ماراح كتيرك انا مسجلتها رح شوف الحلقة وبخبرك ان شاء الله اذا قدرت بضيف الفيديو

الله يعطيك العافيه رولا على كل كلمه كتبتيها
والله يعطيك على قدنيتك يارب تسلمين
ياعمري انتي ياحبابه والله مافي منك ياقمر
وانا كمان شفت القمر شادي يقبرني شو
شخصيه ابوالشود
كل شي كان فيه حلو متل العاده حكيو لبسو اناقتو جمالو
لك يؤبشني كلو على بعضو مافي متلو كتير كان متواضع بلمقابله
وانا كتير غرت من ليليا على شادي هي حلوه وانا مقوره منها نياااااااااالها
جلست حد شدشود
وبحب ضيف على الكلام إلي كتبتو رولا
أنوليليا الاطرش قالت حابه تحضرالمسرحيه وتحضرها مع الجمهور
مو الفيديو قالت صعبه قام قال المذيع إلإاذا حدا مثل دورك قالت صعبه
قم قال شادي فديته انا بقدر بخلي اخي هادي يمثل دوري وانا بجلس بتفرج عليه
وعلى المسرحيه لك يسلملي إلي جاب سيرة اخوه هادي وانا فرحت كتير لما جاب سيرة هدوش
لأنو اشتقت الهم ولكلامهم عن بعض كتير يؤبشوني ياحق
وإنشالله بنشوف مقابله جديده للقمرين مع بعض
بس المذيع كتير بغار من شادي ومابخليه يحكي عنو
كتير كل مابيحكي شادي بقاطعو المذيع السئيل كتير
وانا انقهرت منو كتير بس الله يوفق شادي يارب
ومرسي رولا ياقلبي ع الصورالجنان لشدشود وع مقابلة ابوالشود إلي كتبتيها

_________________

يسلمو الإيدين رولا
كتبتي كل شي إنقال الله لايحرمنا منك
الحمدلله أناشفت اللقاء بـ الإعاده
كان نجم الحلقه يؤبرني إنشالله
بس مابعرف كيف شادي إستحمل تقل دم الغليظ
ماخلى القمر يحكي كل شي يأطش كلامه
يبوس إيدو وج وأفى إنو القمر طلع بـ برنامجه
...

_________________

انا سهرت الليل تأحضر هالمقابله وحضرتها
مقابله روعه غير شكل كان فيها شادي بيجنن
وكتبتي المقابله كلها كتيرمنيح بهنيكي

لك الف شكر لاحلى رولا شكرا كتيــــر يسلمو ايديكي على نقل المقابله

كتيـــــــر استمتعت وتخيلت المقابلة وانا اقرا
حلـــــــــــــوه كثيـــــــــر
بتسطل على راي شادي يقبرني وهوو والفاظه عسسسسسسسسسسل
وهاد المذيع بغار منوو كتير لانوو بحكي انو ما نستخدم الفاظ شوشو
لك احلى حكي والفاظ بتسطل ههههههههه

الله يوفقك يا شادي يا حنون يا ابو قلب كبير ويعطيك على قد نيتك يا كبيير
الله يرحمها بنت مروان عنجد حزنت كتيـــــر طفله حرااااااام الله يرحمهااا
ريتك تقبرني انته وكزباتك عسسل كل شي بطلع من القمر روعه
والكلمات روعه ونجحت نجاااااااح كبير لانها بتسطل
امجد : بس ما يكون بدك مصاري علحوار كمان
شادي : صرلنا 4سنين عمنشتغل ببلاش مو مستاهلة ناخد منك هلأ
غلييييييييييز المزيع بس شادي عرف يرد عليه يقبرنيي وهوه وحكياتوو
يسلمووووووووووو يا الز رولا بلمنتدى حبيبتي

_________________
ســـ SalY ــالي

اكــــــــــــــــرهك يا نسيم روحي..
هكذا يكون الحب !!
تستفزني؟!؟!

عاشقة الليل MooN
اسيرة حبك...

والله راح أنجلط لأنو يوم الخميس لما انعرضت المقابلة أول مرة مع أبو الشود ما حضرتا و ضليت سهرانة للساعة 4 الصبح لحتى شوف اذا بتنعاد لأني كنت مفكرة انها راح تنعاد بنفس اليوم بس للأسف ما انعادت
و زعلت كتير بس الحمد الله هلاء الحلوة رولا حكتلنا شو انحكى بالمقابلة بس أنا انحرمت من شوفت القمر شادي

بس عندي سؤال في مخرج سوري اسمو مروان بركات معقول يكون هو اللي بيحكي عنو شادي ؟

و حابة أشكر شكر كبير لاضافة جنوني اللي أسعدتني كتير لأنو عنجد اشتقنا نسمع القمرين عم يحكو عن بعض الله يخليهم لبعض
يا ريت اذا حدا بيقدر ينزل فيديو المقابلة هون بالمنتدى بليززززززززززززز لأني كتير حابة أحضر اللقاء مع القمر أبو الشود

شكرا كتييييييييييييير ولله تعبناكي معنا تسلمين ياقمر ولله فرحتيني
_________________

يسلمو أيديكي هلق أتأكد أنو لما شفتا بالأعادة ما راح عليي شي أبدا هههههههه يخلينا ياكي ياحلوة

العفو كاثرين حياتي
هاد من زوقك الحلو متلك
ومعك حق من زمان عن القمرين لما يحكو عن بعض
الله يخليهم إلنا يارب العالمين
بس والله انا مابعرف ازا كانت بنت مروان بركات المخرج او غيرو
ع العموم الله يرحمها ازا كانت بنتو ولا لا
ويرحمنا برحمتو يارب

_________________